Çexiya və Cənubi Afrika media nümayəndələri Gəncədəki raket hücumu olan yerləri ziyarət ediblər

Çexiya və Cənubi Afrika media nümayəndələri Vətən müharibəsi zamanı Ermənistan Silahlı Qüvvələri tərəfindən Gəncədə törədilən terror hadisələrinin baş verdiyi əraziləri ziyarət ediblər.

"Report"un Qərb bürosunun məlumatına görə, media nümayəndələrinə Gəncə şəhərində törədilən terror hadisələri ilə bağlı məlumat verilib.

Xarici media nümayəndələri burada qeydlər götürüb, fotolar çəkiblər.

Qeyd edək ki, 11.10.2020-ci il tarixində Ermənistan ərazisindən “Skad-B” Taktiki Əməliyyat Raket Kompleksindən atılan taktiki ballistik raket “Qələbə parkı”nın ətrafında yerləşən yaşayış binasının üzərinə düşüb, çox sayda evlər dağılıb, 5-i qadın olmaqla 11 nəfər həlak olub, 6-sı uşaq, 16-sı qadın olmaqla 35 nəfər yaralanıb.