Azərbaycanda məişət zorakılığı ilə bağlı media bələdçisinin hazırlanması təklif olunur

Azərbaycanda məişət zorakılığı ilə bağlı media bələdçisinin hazırlanması təklif olunur.

"Report" xəbər verir ki, bu təkliflə Mətbuat Şurasının sədr müavini, Jurnalistlərin Həmkarlar İttifaqının sədri Müşfiq Ələsgərli Bakıda məişət zorakılığı ilə bağlı beynəlxalq konfrans çərçivəsində keçirilən paneldə çıxış edib.

Onun sözlərinə görə, informasiyanın konkret düsturu var: "Amma bəzən müəyyən kodekslərdə nəzərdə tutulmuş məhdudiyyətlər informasiyanın tam ötürülməsinə mane olur. Beynəlxalq nəzəriyyələr ümumi prinsipləri əhatə edir. Halbuki hər ölkənin öz səciyyəvi xüsusiyyəti var. Düşünürəm ki, bu xüsusiyyətlərə uyğun olaraq yerli nümunələr əsasında media bələdçisi hazırlanmalıdır".