“Azərbaycan vəkili” jurnalının növbəti sayı yeni formatda nəşr olunub

Vəkillər Kollegiyasında (ARVK) “Azərbaycan Vəkili” elmi-praktik hüquq jurnalının növbəti sayı yeni formatda və məzmunda, o cümlədən müasir yanaşmalar üzərində qurulmaqla nəşr edilib.

Bu barədə “Report”a ARVK-dən məlumat verilib.

Bildirilib ki, jurnalın əsas məqsədini vəkillik institutunun inkişafı ilə bərabər, bu istiqamətdə ən mühüm problemlərə elmi yanaşma və həlli yollarının müəyyən olunması təşkil edir. Mətbu orqanın özəl xüsusiyyətlərindən biri ondan ibarətdir ki, burada qanunvericilik və praktika arasında real əlaqələndirilmə aparıla biləcək, vəkillər bu sahədə öz biliklərini və elmi tədqiqatlarını “Azərbaycan vəkili” elmi-praktik hüquq jurnalı vasitəsilə realizə edə biləcəklər. Bu jurnalda xarici vəkillərin də iştirak edəcəyi bir imkan formalaşır.

Eyni zamanda yaxın vaxtlarda jurnalın bir neçə xarici dillərdə yeni saytının təqdimatı baş tuatacaq. Burada da elmi məqalələrin yazılması, nəşri və beynəlxalq sistemlər barədə videoroliklər əks olunacaq.