Yuxarı

Polad Bülbüloğlu və daha 8 nəfərin YUNESKO-nun baş direktoru vəzifəsinə namizədliyi irəli sürülüb - SİYAHI

Polad Bülbüloğlu və daha 8 nəfərin YUNESKO-nun baş direktoru vəzifəsinə namizədliyi irəli sürülüb - SİYAHI
YUNESKO-nun İcraiyyə Şurasının sədri onların adlarını rəsmən açıqlayıb

Bakı. 17 mart. REPORT.AZ/ YUNESKO-nun İcraiyyə Şurasının sədri Maykl Vorbs təşkilatın baş direktoru vəzifəsinə 9 namizədin adlarını rəsmi açıqlayıb. 

“Report”un YUNESKO-nun mətbuat xidmətinə istinadən verdiyi məlumata görə, namizədlər arasında Polad Bülbüloğlu (Azərbaycan), Fam Suan Şon (Vyetnam), Muşira Həttab (Misir), Hamad Bin Əbdüləziz Al-Kavari (Qatar), Tsyan Tan (Çin), Xuan Alfonso Fuentes Soria (Qvatemala), Saleh Al-Hasnavi (İraq), Vera El-Huri Laköy (Livan) və Odri Azule (Fransa).

Baş direktor İcraiyyə Şurasının təqdimatı ilə Baş Konfrans tərəfindən 4 il müddətinə təyin edilir. 9 namizəd aprelin 26-27-də baş tutacaq İcraiyyə Şurasının 201-ci sessiyasında müsahibədən keçəcəklər.

İcraiyyə Şurası tərəfindən təqdim edilmiş namizəd Şuranın oktyabr ayında keçiriləcək 202-ci sessiyasında gizli səsvermə yolu ilə seçiləcək. Sonra YUNESKO-nun İcraiyyə Şurasının sədri seçilmiş namizədi noyabrda keçiriləcək Baş Konfransın 39-cu sessiyasında təqdim edəcək. Baş Konfrans namizədliyi nəzərdən kecirəcək və gizli səsvermə aparacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi