Yuxarı

Əbülfəs Qarayev Türkiyənin Azərbaycandakı fövqəladə və səlahiyyətli səfiri ilə görüşüb

Əbülfəs Qarayev Türkiyənin Azərbaycandakı fövqəladə və səlahiyyətli səfiri ilə görüşüb

Bakı. 14 fevral. REPORT.AZ/ Mədəniyyət və turizm naziri Əbülfəs Qarayev Türkiyənin Azərbaycandakı fövqəladə və səlahiyyətli səfiri Erkan Özaral ilə görüşüb.

Bu barədə "Report"a Mədəniyyət və Turizm Nazirliyindən məlumat verilib.

Görüşdə Azərbaycan və Türkiyə arasında mədəniyyət və turizm sahələri üzrə əməkdaşlıq məsələləri, film çəkilişləri, hər iki ölkədə keçirilən tədbirlərdə qarşılıqlı iştirak, turist mübadiləsi və birgə layihələr müzakirə edilib.

Görüş zamanı həmçinin bu il çərçivəsində Türkiyədə Azərbaycan film həftəsinin, Azərbaycanda isə Türkiyə film həftəsinin keçirilməsi müzakirə olunub. Eyni zamanda bir sıra mədəni və turizm layihələrinin həyata keçirilməsi qərara alınıb.

Səfir səmimi qəbula görə minnətdarlığını ifadə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi