Bakı. 10 mart. REPORT.AZ/ Prezident İlham Əliyev “YUNESKO üzrə Azərbaycan Respublikasının Milli Komissiyası ilə bağlı əlavə tədbirlər haqqında” Azərbaycan Respublikası Prezidentinin 2005-ci il 15 sentyabr tarixli 1006 nömrəli sərəncamında dəyişiklik edilməsi barədə sərəncam imzalayıb.
"Report"un məlumatına görə, dövlət başçısı qərara alıb ki, “YUNESKO üzrə Azərbaycan Respublikasının Milli Komissiyası ilə bağlı əlavə tədbirlər haqqında” Azərbaycan Respublikası Prezidentinin 2005-ci il 15 sentyabr tarixli 1006 nömrəli Sərəncamının (Azərbaycan Respublikasının Qanunvericilik Toplusu, 2005, № 9, maddə 826; 2006,№ 9, maddə 743; 2014,№ 9, maddə 1027) 3-cü hissəsi aşağıdakı redaksiyada verilsin.
“3. YUNESKO üzrə Azərbaycan Respublikası Milli Komissiyasının aşağıdakı tərkibi müəyyən edilsin:
Komissiyanın sədri
Azərbaycanın xarici işlər naziri Elmar Məmmədyarov
Komissiya sədrinin müavinləri
Azərbaycan Milli Elmlər Akademiyasının prezidenti Akif Əlizadə
Təhsil naziri Mikayıl Cabbarov
Mədəniyyət və turizm naziri Əbülfəs Qarayev
Rabitə və yüksək texnologiyalar naziri Əli Abbasov
Komissiyanın üzvləri
Millətlərarası, multikulturalizm və dini məsələlər üzrə Dövlət müşaviri, Bakı Beynəlxalq Multikulturalizm Mərkəzinin Himayəçilər Şurasının sədri Kamal Abdullayev
Prezident Administrasiyası rəhbərinin müavini, Prezident Administrasiyasının Xarici əlaqələr şöbəsinin müdiri Novruz Məmmədov
Prezident Administrasiyasının Humanitar siyasət məsələləri şöbəsinin müdiri Fatma Abdullazadə
İnsan Hüquqları üzrə Müvəkkili (Ombudsman) Elmira Süleymanova
Ekologiya və təbii sərvətlər naziri Hüseynqulu Bağırov
Gənclər və idman naziri Azad Rəhimov
Ailə, Qadın və Uşaq Problemləri üzrə Dövlət Komitəsinin sədri Hicran Hüseynova
Azərbaycan Dövlət İnformasiya Agentliyinin (AZƏRTAC-ın) baş direktoru Aslan Aslanov
Prezident yanında Dövlət İdarəçilik Akademiyasının rektoru Urxan Ələkbərov
Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsinin rəisi Samir Nuriyev
Azərbaycan Kitab Cəmiyyətinin sədri” Zərifə Salahova.