Yalçın Rzazadə Lənkəranda dəfn ediləcək

Ötən gün vəfat edən Azərbaycanın Xalq artisti Yalçın Rzazadənin dəfn ediləcəyi yer məlum olub.

Mərhumun oğlu Orxan Rzazadə "Report"a açıqlamasında bildirib ki, Xalq artisti Lənkəran rayonu, Liman qəsəbəsində torpağa tapşırılacaq.

Mərhumun cənazəsi bu gün saat 12:00-da yaşadığı mənzildən götürüləcək və Lənkərana aparılacaq.

Mədəniyyət Nazirliyindən "Report"a bildirilib ki, Heydər Əliyev Fondunun və Mədəniyyət Nazirliyinin dəstəyi ilə dəfn Lənkəranda baş tutacaq.

Qeyd edək ki, Y.Rzazadə fevralın 22-də uzun sürən xəstəlikdən 74 yaşında dünyasını dəyişib.