Xalq artisti: "Fəxri adlar yaşa görə yox, işə görə verilməlidir"

"Fəxri adlar yaşa görə yox, işə görə verilməlidir.

Teatrda rollar əmioğlu, bibioğlu prinsipi ilə bölünməməlidir".

"Report" xəbər verir ki, bunu Xalq artisti Nurəddin Mehdixanlı “Azərbaycan teatrı – 150: inkişaf perspektivləri” mövzusunda keçirilən Teatr Forumunda çıxışında deyib.

O bildirib ki, teatrların kommersiya layihələri olmalıdır:

"Həmçinin teatrda ciddi nizam-intizam olmalıdır. Hər şey ədalət prinsipinə əsaslanmalıdır. Onda çox şey həll olunacaq".