Yuxarı
    Bağlamaq

    Bakıda keçiriləcək Ümumdünya Mədəniyyətlərarası Dialoq Forumuna hazırlıq gedir

    Nazir görüşdə bu barədə məlumat verib

    Bakı.11 fevral. REPORT.AZ/ Mədəniyyət və Turizm Naziri Əbülfəs Qarayev BMT-nin İnkişaf Proqramının (UNDP) rezident əlaqələndiricisi Antonius Broeklə görüşüb.

    "Report" xəbər verir ki, görüşdə UNDP-nin Azərbaycanda həyata keçirildiyi layihələr barədə məlumat verilib.

    Antonius Broek Əbülfəs Qarayevin yanvarda baş tutmuş Nyu York səfəri çərçivəsində keçirilən tədbirlər, xüsusilə BMT rəsmiləri ilə görüşlərin beynəlxalq ictimayiətdə böyük rezonans doğurduğunu diqqətə çatdırıb.
    Ə.Qarayev bildirib ki, Ümumdünya Mədəniyyətlərarası Dialoq Forumuna BMT-nin üç əsas ixtisaslaşmış qurumu YUNESKO, Sivilizasiyalar Alyansı və Dünya Turizm Təşkilatının cəlb olunması Azərbaycanın bu qurum ilə dərin və çoxşaxəli əməkdaşlığının bariz nümunəsidir.
    O bildirib ki, UNDP çərçivəsində Azərbaycan ilə turizm sahəsində əməkdaşlıq üçün geniş imkanlar mövcuddur, bütün təkliflər Azərbaycan qanunvericiliyinə uyğunlaşdırıldıqdan sonra onların həyata keçirilmə mexanizmləri ətraflı nəzərdən keçirilə bilər.

    Görüşdə qeyd edilib ki, bu təkliflər mayın 18-19-da Bakıda keçiriləcək 3-cü Ümumdünya Mədəniyyətlərarası Dialoq Forumu çərçivəsində "Mədəniyyət və davamlı inkişaf 2015 gündəliyi" ilə əlaqələndirilə bilər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi