Türkiyənin Azərbaycan əsilli ilk qadın vəkilinin fotosərgisi təşkil olunub

İstanbulda azərbaycanlı siyasətçi, yazıçı, hüquqşünas Əhməd bəy Ağaoğlunun qızı, Türkiyənin ticarət naziri Səməd Ağaoğlunun bacısı, Türkiyənin ilk qadın vəkili Sürəyya Ağaoğlunun fotoşəkillərindən ibarət sərgi təşkil olunub.

"Report"un yerli bürosu xəbər verir ki, şəhərin ən dinamik bölgələrindən birində təşkil olunan fotosərgini sakinlər ziyarət edib, Sürəyya Ağaoğlunun tələbəlik və dövlət qulluğunda çalışdığı dövrə aid şəkillər maraqla qarşılanıb.

Qeyd edək ki, dekabrın 31-dək davam edən fotosərgi Sürəyya Ağaoğlunun vəfatının 32-ci ildönümü və Ümumdünya Vəkillər Günü ərəfəsində təşkil olunub.