Səbinə Hacıyeva: "İçərişəhərdə tarix və müasirliyin balansı qorunur"

"İçərişəhər tarixi irs və müasir yaşayış şəraiti arasında balansın qorunub saxlanmasının ən gözəl nümunəsidir".

"Report" xəbər verir ki, bunu Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin rəisi, əməkdar memar Səbinə Hacıyeva Bakıda "Yaşanabilən və Dayanıqlı İrs Şəhərləri" mövzusunda keçirilən beynəlxalq konfransda deyib.

S.Hacıyeva “İçərişəhər” Dövlət Tarix-Memarlıq Qoruğunun orta əsrlərdən bəri öz tarixi görkəmində qorunub saxlanıldığını vurğulayıb: "Onun ətrafında digər dövrlərə aid tarixi abidələr də var”.