Mübariz Tağıyev: “Mobil Babayev yeni bəstələdiyi simfoniyanı axıra çatdıra bilmədi”

“Mobil Babayev yeni simfoniya bəstələmişdi, lakin onu axıra çatdıra bilmədi, vaxtı çatmadı”.

“Report” xəbər verir ki, bunu Azərbaycanın Xalq artisti, müğənni Mübariz Tağıyev jurnalistlərə açıqlamasında bildirib.

“Üç gün öncə xəstəxanaya Mobilin yanına getmişdim, təəssüf ki, məni tanımadı. Sonra evə aparıldığını eşitdim, vəziyyətinin yaxşı olduğunu düşünüb sevindim. Mobili uzun illərdir ki, tanıyırdım. Bizi sənət bağlayır. Onun vəfatı Azərbaycan incəsənətinə böyük itki oldu”, - o vurğulayıb.

Müğənni deyib ki, Mobil Babayev Azərbaycan incəsənətində böyük izi var və buna görə də onun xatirəsi daim yaşayacaq.