Yuxarı
    Bağlamaq

    Mədəniyyət və Turizm Nazirliyinin 10 illik yubileyi qeyd ediləcək

    Əbülfəs Qarayev: Yubileyə hazırlaşırıq, amma təmtəraqlı konsert proqramı olmayacaq

    Bakı. 25 dekabr. REPORT.AZ/ 2016-cı il yanvarın 29-da Mədəniyyət və Turizm Nazirliyinin yaradılmasının 10 illik yubileyi qeyd ediləcək.

    "Report" xəbər verir ki, bu fikirləri 2015-ci ilin yekunlarına dair keçirilən kollegiya iclasında mədəniyyət və turizm naziri Əbülfəs Qarayev deyib.

    "Yubileylə bağlı tədbirlərə hazırlaşırıq. Amma yubiley tədbirlərimiz təmtəraqlı konsert proqramından ibarət olmayacaq. Mədəniyyət və Turizm Nazirliyi tam gücü ilə işləyir. Bizim şöbələrimizdə çalışanlar şənbə, bazar günü, istirahət bilmirlər. Hər gün çalışırıq, il ərzində çoxlu tədbirlər, yubileylər qeyd edirik. Bizim haqqımızda yazırlar ki, mədəniyyətə yaxşı baxmırıq, bəziləri yazır ki, turizmə yaxşı baxmırıq. Amma bu, belə deyil. Nazirliyin bütün əməkdaşları çalışırlar"

    Xatırladaq ki, Azərbaycan Respublikasının Prezidenti İlham Əliyevin 30 yanvar 2006-cı il tarixli fərmanı ilə həmin vaxta qədər fəaliyyət göstərən Mədəniyyət Nazirliyi və Gənclər, İdman və Turizm Nazirliyi ləğv edilib və Mədəniyyət Nazirliyi əsasında Mədəniyyət və Turizm Nazirliyi yaradılıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi