Yuxarı
    Bağlamaq

    Azərbaycan Mədəniyyət və Turizm Nazirliyində yeni təyinat olub

    Yeni şöbə ictimaiyyətlə əlaqələri, mətbuatla işi daha da səmərəli təşkil etmək məqsədilə yaradılıb

    Bakı. 7 yanvar. REPORT.AZ/ Azərbaycan Mədəniyyət və Turizm Nazirliyində nazirliyin Kollegiyasının qərarı ilə yeni İnformasiya və İctimaiyyətlə Əlaqələr Şöbəsi yaradılıb.

    Bu barədə “Report”a nazirlikdən bildirilib.

    Yeni şöbə ictimaiyyətlə əlaqələri, mətbuatla işi daha da səmərəli təşkil etmək məqsədilə yaradılıb.

    Şöbənin tərkibinə İnformasiya, elektron media və resurslarla iş, İctimaiyyətlə əlaqələr və mətbuatla iş və Qeyri-hökumət təşkilatları ilə iş sektorları daxildir. Mədəniyyət və turizm nazirinin əmrinə əsasən nazirliyin Turizm şöbəsinin Təbliğat sektorunun müdiri Şixəmmədov Vüqar Nurməmməd oğlu yeni şöbəyə müdir təyin edilib.

    “Yeni şöbənin yaradılması nazirlikdə bu sahədəki işlərin mərkəzləşməsinə, hal-hazırda çox aktual olan Qeyri-hökumət təşkilatları ilə əlaqələrin daha da yaxşılaşdırılmasına, mətbuat xidmətinin imkanlarının genişlənməsinə, informasiya resurslarının artırılmasına və səmərəli çalışmasına, nazirliyin respublikanın mədəni və ictimai həyatına daha da yaxından cəlb olunmasına imkan yaradacaq”, - nazirliyin məlumatında bildirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi