Mədəniyyət və İncəsənət Universitetinin Mədəniyyət Nazirliyinə verilməsi təklif olunur

“Təhsil Nazirliyi işçilərinin 90 faizi teatrların harada yerləşdiyini bilmirlər”.

"Report" xəbər verir ki, bunu teatrşünas, Əməkdar incəsənət xadimi İlham Rəhimli “Azərbaycan teatrı - 150: inkişaf perspektivləri” mövzusunda keçirilən Teatr Forumunda deyib.

O bildirib ki, bu səbəbdən yaradıcı sahəyə laqeyd yanaşırlar: “Mədəniyyət və İncəsənət Universiteti və digər mədəniyyət müəssisələri Mədəniyyət Nazirliyinin balansına verilsə, yaxşı olar”.

İ.Rəhimli teatrlara yardım edən sponsorların vergidən azad edilməsini təklif edib: “Rəhbərlik bu barədə Nazirlər Kabinetinə təkliflər versin”.