Mədəniyyət Nazirliyinin vəzifəli şəxsi vəfat edib

Mədəniyyət Nazirliyinin vəzifəli şəxsi vəfat edib Azərbaycanın əməkdar mədəniyyət işçisi Nairə Sadıxova dünyasını dəyişib.
Mədəniyyət siyasəti
4 Sentyabr , 2021 16:26
Mədəniyyət Nazirliyinin vəzifəli şəxsi vəfat edib

Azərbaycanın Əməkdar mədəniyyət işçisi Nairə Sadıxova dünyasını dəyişib.

Mədəniyyət Nazirliyindən "Report"a bildirilib ki, Mədəniyyət Nazirliyinin Muzey Sərvətləri və Xatirə Əşyalarının Elmi Bərpa Mərkəzinin elmi işlər üzrə direktor müavini N.Sadıxova 57 yaşında koronavirusdan vəfat edib.

Qeyd edək ki, N. Sadıxova 1964-cü il iyul ayının 21-də Bakı şəhərində anadan olub. 1986-2001-ci illərdə Mədəniyyət Nazirliyinin Respublika Elmi-Metodiki Mərkəzində redaktor, böyük elmi işçi işləyib. 2001-ci ildən Muzey Sərvətləri və Xatirə Əşyalarının Elmi-Bərpa Mərkəzində kiçik elmi işçi, böyük elmi işçi, baş mühafiz, elmi işlər üzrə direktor müavini vəzifəsində çalışıb.

2017-ci ildə Azərbaycan Prezidenti İlham Əliyevin Sərəncamı ilə “Əməkdar mədəniyyət işçisi ” fəxri adı ilə təltif edilib.

Son xəbərlər

Orphus sistemi