Mədəniyyət Nazirliyi xalq çalğı alətləri üzrə texniki komitə yaradır

Mədəniyyət Nazirliyi “Azərbaycan xalq çalğı alətləri” standartlaşdırma üzrə texniki komitə yaratmağa qərar verib.

"Report" xəbər verir ki, texniki komitənin fəaliyyət istiqaməti xalq çalğı alətləri, musiqi alətləri, onların istehsalında istifadə olunan materiallar və akustika sahəsində dövlət standartlarının işlənib hazırlanması, müvafiq sahə üzrə beynəlxalq, dövlətlərarası, regional və xarici dövlətlərin standartlarının ölkə ərazisində tətbiqi üzrə rəy və təkliflərin bildirilməsindən ibarət olacaq.

Qurum standartlaşdırma üzrə normativ sənədlərin hazırlanması məqsədi ilə maraqlı tərəflərin iştirakı ilə yaradılacaq və ictimai əsaslarla fəaliyyət göstərəcək.