Qız Qalası meydanında “Vyetnam Günləri”nə həsr olunan mədəni-əyləncəli proqram keçiriləcək

Bakıda 25–30 iyul tarixlərində “Vyetnam Günləri” keçiriləcək, xüsusi proqram təşkil olunacaq.

"Report" xəbər verir ki, bu barədə “İçərişəhər” Dövlət Tarix-Memarlıq Qoruğu İdarəsindən bildirilib.

Qeyd edilib ki, Azərbaycanın Vyetnamdakı Səfirliyinin təşəbbüsü və “İçərişəhər” Dövlət Tarix-Memarlıq Qoruğu İdarəsinin dəstəyi ilə keçirləcək tədbir iki qədim Şərq mədəniyyətini bir araya gətirəcək.

İyulun 27-də isə Qız Qalası meydanında xüsusi mədəni-əyləncəli proqram baş tutacaq.

Meydanda Vyetnam musiqisinin müşayiəti ilə rəssamlıq əsərləri sərgilənəcək, milli qadın geyimi Ao Zai nümayiş olunacaq. Eyni zamanda, qonaqlar üçün əl işlərinin satış-sərgisi də təşkil olunacaq.