İçərişəhərdə xəttatlıq sənətinə dair sərgi keçirilir, 60-dan çox əsər nümayiş olunur

Şirvanşahlar Sarayı Kompleksində “İçərişəhər” Dövlət Tarix-Memarlıq Qoruğu İdarəsinin və Bakı Rəsm Qalereyasının birgə təşkilatçılığı ilə “Hərflərin Sirri” adlı xəttatlıq sərgisi keçirilir.

"Report" xəbər verir ki, tədbirdə tanınmış xəttat Gülümxan Bəydəmirin 60-dan çox əsəri yer alıb.

Əsərlər xəttatlığın yalnız yazı texnikası deyil, həm də fəlsəfi və ruhani bir ifadə vasitəsi olduğunu vurğulayır. “Hərflərin Sirri” sərgisi yalnız incə sənət nümunələri ilə deyil, həm də dərin mənəvi dəyərləri ilə diqqət çəkir. Ziyarətçilər burada həm sənət, həm də zamanla səyahət təcrübəsi yaşayacaqlar.

Sərgi aprelin 22-dək davam edəcək.