BDU-da Yaponiya Mədəniyyət Festivalı keçirilib

BDU-da Yaponiya Mədəniyyət Festivalı keçirilib Festival zamanı müxtəlif müsabiqələr baş tutub
Mədəniyyət siyasəti
120
23 May , 2016 20:57
BDU-da Yaponiya Mədəniyyət Festivalı keçirilib

Bakı. 23 may. REPORT.AZ/ Bakı Dövlət Universitetində Yaponiya Mədəniyyət Festivalı keçirilib. 

Ali təhsil müəssisəsindən "Report"a verilən məlumata görə, tədbiri BDU rektorunun müşaviri, professor İsmayıl Əliyev açaraq bildirib ki, festivalın keçirilməsində məqsəd Yaponiya və onun mədəniyyəti ilə maraqlananları bir araya toplamaq, bu ölkənin adət-ənənələri, mətbəxi, mədəniyyəti barədə daha ətraflı məlumat çatdırmaqdan ibarətdir.

Festivalın birinci hissəsində mahnı müsabiqəsi keçirilib, yapon nağılları əsasında hazırlanmış tamaşa göstərilib. Daha sonra münsiflər BDU tələbələrinə mükafat veriblər. Festivalın ikinci hissəsində yapon yeməkləri, çay mərasimi, suşi, eləcə də kimono və yukata kimi milli yapon geyimləri, ənənəvi yapon incəsənətini təmsil edən oriqami və ikebana təqdim olunub.