Bir neçə musiqi məktəbinə yeni direktor təyin edilib

Bir neçə musiqi məktəbinə yeni direktor təyin edilib Mədəniyyət və turizm naziri bununla bağlı müvafiq əmrlər imzalayıb
Mədəniyyət siyasəti
896
17 Noyabr , 2015 18:46
Bir neçə musiqi məktəbinə yeni direktor təyin edilib

Bakı. 17 noyabr. REPORT.AZ/ Mədəniyyət və Turizm Nazirliyinin strukturunda olan musiqi məktəblərində yeni təyinatlar həyata keçirilib.

"Report" xəbər verir ki, bu barədə məlumatı Mədəniyyət və Turizm Nazirliyi yayıb.

Mədəniyyət və turizm nazirinin imzaladığı müvafiq əmrlərə uyğun olaraq Nəzifə Arif qızı Əliyeva Bakı şəhəri 33 nömrəli Uşaq Musiqi Məktəbinə, Vəfa Hidayət qızı Həziyeva Bakı şəhəri 34 nömrəli Uşaq Musiqi Məktəbinə, Şakir Qədir oğlu Qədirov Yevlax rayon Aran Qəsəbə Uşaq Musiqi Məktəbinə, Xətayə Zülfüqar qızı Cəfərova Ağdam şəhər Xan Şuşinski adına Uşaq Muğam Musiqi Məktəbinə direktor təyin edilib.

Yeni təyin olunan direktorların qarşısına nazirlik rəhbərliyi, musiqi təhsilinin daha da inkişafı, təlim tərbiyə prosesinin təkmilləşdirilməsi, təhsilin keyfiyyətinin yüksəldilməsi, gənc istedadların müəyyən edilməsi kimi vəzifələr tapşırıb.

Xatırladaq ki, bir neçə gün öncə Bakı şəhəri L. və M. Rostropoviçlər adına 21 nömrəli Onbirillik Musiqi Məktəbi və K.Səfərəliyeva adına 16 nömrəli Uşaq Musiqi Məktəbinə də yeni direktor təyinatları həyata keçirilib.

Son xəbərlər

Orphus sistemi