Azərbaycanın mədəniyyət naziri Gürcüstana gələn ay səfər edəcək

Azərbaycanın mədəniyyət naziri Anar Kərimov Gürcüstana iyulun əvvəlində səfər edəcək.

“Report”un yerli bürosu xəbər verir ki, nazirin səfər proqramı artıq hazırdır.

A.Kərimov qonşu ölkəyə səfəri çərçivəsində rəsmi görüşlər keçirməklə yanaşı, Tbilisidəki Mirzə Fətəli Axundzadə adına Azərbaycan Mədəniyyət Muzeyi və digər mədəniyyət ocaqlarını da ziyarət edəcək.

Nazirin Gürcüstanın azərbaycanlı mədəniyyət və incəsənət xadimləri ilə görüşü də planlaşdırılıb.