Azərbaycanda rəssam COVID-19-dan dünyasını dəyişib

Azərbaycanda rəssam COVID-19-dan dünyasını dəyişib "O, martın 6-dan komada idi, amma bu gün günorta keçinib"
Mədəniyyət siyasəti
290
14 Aprel , 2021 17:40
Azərbaycanda rəssam COVID-19-dan dünyasını dəyişib
Rauf İsmayılov

Azərbaycan Rəssamlar İttifaqının və Azərbaycan Reklamçılar İttifaqının üzvü, keçəçi rəssam Rauf İsmayılov vəfat edib.

"Report" xəbər verir ki, R.İsmaylov bir müddət əvvəl koronavirusa yoluxmuşdu. O, martın 6-dan komada idi, amma bu gün günorta keçinib.

Qeyd edək ki, R.İsmayılov 1957-ci ildə Mingəçevir şəhərində anadan olub. 1974–1976-cı illərdə Əzim Əzimzadə adına Bakı Rəssamlıq Məktəbində, 1980–1986-cı illərdə Muxina adına Sankt-Peterburq Rəssamlıq İnstitutunun hazırlıq şöbəsində, 1986–1991-ci illərdə Azərbaycan Dövlət İncəsənət Universitetinin rəssamlıq fakültəsində təhsil alıb.

Keçədən hazırlanan yüzlərlə əsərin müəllifi olan R.İsmayılov "Ana məhəbbəti", "Hünər meydanı", "Fəryad", "Gəl rəqs edək", "Gecə görüntüləri", "Qurtuluş", "Məhəbbət sorağında", "Tənha ağac" və s. əsərlərin müəllifidir. 2002-ci ildə "Humay" milli mükafatına, 2005-ci ildə Azərbaycan Rəssamlar İttifaqının təsis etdiyi Soltan Məhəmməd adına xüsusi mükafata, 2005–2006-cı illərdə İran İslam Respublikasının, 2006-cı ildə Alman səfirliklərinin xüsusi diplomlarına layiq görülüb. 2006-cı ildə Bakı şəhərində "Həyatın bir anı", 2009-cu ildə "Ulu sənət", 2010-cu ildə "Ulu xalq – ulu sənət" adlı fərdi sərgiləri təşkil olunub.

Allah rəhmət eləsin!

Son xəbərlər

Orphus sistemi