Azərbaycan bu gün Rusiyanın paytaxtı Moskvada işə başlayan “Primakov qiraətləri” IX beynəlxalq elmi-ekspert forumunda təmsil olunur.
“Report”un Rusiya bürosunun məlumatına görə, Beynəlxalq Ticarət Mərkəzində “Postqloballaşmanın üfüqləri” mövzusunda ikigünlük forum keçirilir.
Forumda Rusiya və xarici elmi-ekspert ictimaiyyətinin nümayəndələri, rəsmi şəxslər, siyasətçilər, diplomatlar, işgüzar dairələrin nümayəndələri də daxil olmaqla 1300-dən çox insanın iştirakı gözlənilir.
Qeyd edək ki, tədbirdə dünyanın 80-dən çox ölkəsindən, o cümlədən Azərbaycan, Ermənistan, Banqladeş, Misir, Hindistan, İran, Qazaxıstan, Çin, Suriya, ABŞ, Türkiyə və Özbəkistandan beynəlxalq təhlükəsizlik, siyasət və iqtisadiyyat sahəsində ixtisaslaşan 30-dan çox aparıcı xarici ekspert çıxış edəcək.
Forumun ikinci günündə iştirakçılar Cənubi Qafqaz ətrafındakı vəziyyəti, o cümlədən Rusiya ilə Mərkəzi Asiya və Cənubi Qafqaz ölkələri arasında əməkdaşlığı, eləcə də Çin və ABŞ arasında münasibətləri və qlobal Cənub ölkələrinin inkişafını müzakirə edəcəklər.
![](https://static.report.az/photo/ec783998-467f-367c-b2fd-478911230859_300.jpg)
![](https://static.report.az/photo/a2d4bbf8-0b08-3518-9e0e-c18e47a95865_300.jpg)
![](https://static.report.az/photo/9d8c2ab5-9224-3dd1-a630-c5cf9f0967ec_300.jpg)
![](https://static.report.az/photo/9eac56b5-6cd3-308f-8f64-f161eb0f9b2d_300.jpg)
![](https://static.report.az/photo/f058857e-ab0d-3c95-9465-ac6cb9e4ede2_300.jpg)
![](https://static.report.az/photo/80e19d85-121f-3ab0-8a6a-38a2c41bd431_300.jpg)