Azərbaycan, Monqolustan, Qırğızıstan və Belarusda Rəsul Həmzətovun ildönümü qeyd olunacaq

Azərbaycan, Monqolustan, Qırğız Respublikası və Belarusda xalq şairi Rəsul Həmzətovun anadan olmasının 100 illiyi ilə bağlı tədbirlərin keçirilməsi, 2022-ci ildə isə İranda şairin büstünün açılışı planlaşdırılır.

“Report” TASS-a istinadən xəbər verir ki, bu barədə şairin qızı Səlihət Rəsulova məlumat verib.

Onun sözlərinə görə, Azərbaycan və Belarusda Rəsul Həmzətovun anadan olmasının 100 illiyi ilə bağlı mədəni-maarif tədbirlərinin keçirilməsi planlaşdırılır.

Qeyd edək ki, Rəsul Həmzətov 1923-cü il sentyabrın 8-də Dağıstanın Sada kəndində anadan olub. O, Azərbaycana da şeirlər həsr edib. R.Həmzətov 2003-cü il noyabrın 8-də Moskvada vəfat edib.