Yuxarı

Azərbaycan Daşkənddə "Xalqların adət-ənənələri" adlı mədəniyyət festivalında iştirak edib

Azərbaycan üçün ayrılmış otaqda ölkənin mədəniyyətinə dair stend, Qarabağ geyimləri, suvenirlər, xalçalar nümayiş olunub

Bakı. 2 may. REPORT.AZ/ Daşkənddəki ingilisdilli Beynəlxalq Vestminster Universitetində ənənəvi olaraq “Xalqların mədəniyyəti və adət-ənənələri” adlı festival keçirilib.

"Report"un məlumatına görə, tədbirdə ölkəni Azərbaycanın Özbəkistandakı səfirliyinin nəzdindəki Heydər Əliyev adına Mədəniyyət Mərkəzi təmsil edib.

Azərbaycan üçün ayrılmış otaqda ölkənin mədəniyyətinə dair stend, Qarabağ geyimləri, suvenirlər, Azərbaycanın müxtəlif regionlarında toxunmuş xalçalar nümayiş etdirilib.

Nümayiş etdirilən videoçarxda Azərbaycanın füsunkar mədəniyyəti, turizm gözəllikləri göstərilib.

Tədbirin bədii hissəsində Daşkənddəki Azərbaycan Mədəniyyət Mərkəzinin nəzdindəki "Azərbaycan qızları" rəqs ansamblı milli rəqslərimizi ifa ediblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi