Yuxarı

Avropa dillər günü çərçivəsində “Azərbaycan evi” dil və mədəniyyətimizə həsr edilmiş tədbir keçirib

Heydər Əliyev Fondunun ölkəmizin tarixi və mədəniyyətinə dair nəşrləri iştirakçılara hədiyyə edilib

Bakı. 27 sentyabr. REPORT.AZ/ Sentyabrın 26-sı Avropa dillər günü kimi qeyd olunur. "Report" xəbər verir ki, ölkəmizdən uzaqlarda dil və mədəni irsimizə dair silsilə tədbirlər təşkil edən, Parisdə fəaliyyət göstərən “Azərbaycan evi” də Avropa dillər gününə həsr olunmuş bayrama qatılıb.

“Azərbaycan evi”nin sədri Mirvari Fətəliyeva tədbiri açaraq Ana dilimiz, onun tarixi və inkişafı, eləcə də zəngin mədəniyyətimiz haqqında geniş məlumat verib.

Azərbaycan dili və mədəniyyəti ilə yaxından maraqlanan dinləyicilərin sualları cavablandırılıb.

Sonda Heydər Əliyev Fondunun ölkəmizin tarixi və mədəniyyətinə dair nəşrləri iştirakçılara hədiyyə edilib.

Xatırladaq ki, Avropa Şurasının təşəbbüsü ilə 2001-ci ildən 26 sentyabr Avropa dillər günü kimi qeyd olunur. Bu günün əsas məqsədi Avropa dillərinin tədrisinə maraq oyatmaq və xalqlar arasında mövcud əlaqələri daha da genişləndirməkdir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi