Anar Kərimov özəl sektora çağırış edib

Mədəniyyət naziri Anar Kərimov özəl sektoru nazirliyə dəstək olmağa çağırıb.

"Report" xəbər verir ki, nazir hazırda prioritet istiqamətin Vətən müharibəsindəki qəhrəmanlığı əks etdirmək olduğunu bildirib.

O vurğulayıb ki, söhbət həm də seriallar, filmlər vasitəsilə əbədiləşdirilməsindən gedir: "Lakin bu, o demək deyil ki, başqa sahələrə də diqqət ayırmamalıyıq. Burada daha çox özəl və dövlət tərəfdaşlığına üz tuturuq. Əminəm ki, özəl sektor bu sahəyə dəstək verməyə hazır olar".

Nazir Əhmədiyyə Cəbrayılovla bağlı film çəkilişi təkliflərini təqdirəlayiq hesab edib: "Lakin vurğulamaq istəyirəm ki, dövlətin bu sahəyə ayırdığı vəsait məhduddur. Bütün layihələrin dövlət tərəfindən həyata keçirilməsi çox çətindir".