Ali nümayəndə: “BMT-nin Siviliziyalar Alyansı Azərbaycanla əməkdaşlıqdan qürur duyur”

Bakı. 4 may. REPORT.AZ/ “BMT-nin Siviliziyalar Alyansı Azərbaycanla əməkdaşlıqdan qürur duyur. Böyüdükcə, inkişaf etdikcə texnologiyalar da inkişaf edir. İnteqrasiya bəzən çaşdırıcı olur. Dialoq sülhə nail olunması üçün çox vacibdir”.

“Report”un xəbərinə görə, bunu BMT-nin Siviliziyasiyalar Alyansı üzrə ali nümayəndəsi Nassir Abdulaziz Al-Nasser Bakıda keçirilən “Mədəniyyətlarası dialoqun inkişafı: İnsan təhlükəsizliyi, sülh və davamlı inkişaf üçün yeni imkanlar” IV Ümumdünya Mədəniyyətlərarası Dialoq Forumu ilə bağlı mətbuat konfransında deyib.

O qeyd edib ki, ortaq dəyərlərin paylaşılması çox mühümdür, bu, sülhə rəvac verir: “Mədəniyyətlərarası dialoqu gücləndirmək zorakı qüvvələrə cavab vasitəsidir. Azərbaycanın dünyadakı roluna bələdəm. Sülh istiqamətində addımların atıldığını görürəm”.