Yuxarı
    Bağlamaq

    Yevlax sakini Qafqaz qartalını və kərkəsi tutub - FOTO

    Mirağa Sabirli quşları tam sağaldaraq yenidən təbiət qoynuna buraxmaq niyyətindədir

    Yevlax. 13 yanvar. REPORT.AZ/ Yevlax rayonunun 20 yaşlı sakini qartal və kərkəs tutub.

    "Report" xəbər verir ki, hadisə Köyük kəndində baş verib.

    Kənd sakini Mirağa Sabirli yırtıcı quşları səhər saatlarında taxıl sahəsində görüb. O, gərhal əraziyə yaxınlaşaraq heyvanların yaralı olduğunu, bu səbəbdən də uça bilmədiklərini müəyyənləşdirib. Gənc çətinliklə də olsa, quşları tutmağa müvəffəq olub.

    M.Sabirli heyvanları yaxınlarının köməyi ilə yaşadığı kəndə gətirərək baytar çağırıb. Çöl quşlarının yaraları müayinə edilərək dərmanlanıb.

    Kənd sakini Qafqaz qartalını və kərkəsi ətlə qidlandırır. Soyuğa dözümlü olan canlılar bağlı halda həyətdə saxlanır. 

    M.Sabirli deyir ki, bir aydan çoxdur bəslənən yırtıcı quşlara Köyük kəndində maraq böyükdür. Lakin o, quşları tam sağaldaraq yenidən təbiət qoynuna buraxmaq niyyətindədir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi