Yuxarı

"Xaç atası-2", "Leon" filmlərinin məşhur aktyoru vəfat edib - FOTO

​"Xaç atası-2" filminin məşhur aktyoru Denni Ayello vəfat edib

Amerika aktyoru Denni Ayello vəfat edib.

"Report"un məlumatına görə, bu barədə "Hollywood reporter" bildirib.

Qeyd edilir ki, o, 86 yaşında dünyasını dəyişib. Nəşrin məlumatına görə, aktyor qısa sürən xəstəlikdən ölüb.

Denni Ayello 1933-cü ilin 20 iyununda Nyu-Yorkda anadan olub. O, kino karyerasına çox gec başlayıb. Aktyorun iştirakı ilə ilk film 1972-ci ildə ekranlara çıxıb. Ayellonun karyerasında məşhurlaşmasına "Bir dəfə Amerikada" ("Once Upon a Time in America", 1984) filmi səbəb olub. O, bu ekran əsərində polis rəisi rolunu oynayıb. Denni Ayello həmçinin 1987-ci ildə Vudi Allenlə "Radio günləri" filmində də rol alıb.  

Ayello daha çox Toni Rozatonun "Xaç atası - 2" filmindəki rolu ilə məşhurdur. O, həmçinin "Leon" filmində də yer alıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi