Yuxarı

Suriyada İnsan Hüquqlarının Müşahidəsi Qrupu növbəti illik hesabatını yayıb

Suriyada İnsan Hüquqlarının Müşahidəsi Qrupu növbəti illik hesabatını yayıb

Bakı. 28 dekabr. REPORT.AZ/ Suriyada İnsan Hüquqlarının Müşahidəsi Qrupu növbəti illik hesabatını yayıb. Hesabata əsasən, bu il Suriyada gedən döyüşlərdə 39 min nəfər qətlə yetirilib.

"Report" TRT-yə istinadən xəbər verir ki, ölənlərdən 32 min 507 nəfəri hökumət qüvvələri tərəfindən qətlə yetirilib. Onlardan 24 min 430-u mülki şəxs, 8077-si isə müxalifət silhalısıdır. Mülki şəxslərdən 3629-u uşaq, 3714 –ü isə qadındır.

Hesabat dövründə Suriyanın Raqqa, Deyr Azur və Hələb şəhərlərinə hücumlar həyata keçirmiş İŞİD terror tǝşkilatı 3557 nəfəri qətlə yetirib. Onlardan 132-si uşaq, 79-u qadın olmaqla 915-i mülki şəxs, 2642 nəfəri isə müxalifət döyüşçüsüdür. Eyni zamanda “Əl-Qaidə” terror təşkilatının Suriyadakı qolu olan “Nusra” qruplaşması 153 nəfərin həyatına son qoyub. Onlardan 18-i uşaq, 17-si qadın olmaqla 124-ü mülki şəxs, 29-u isə müxalifət silahlısıdır. Bildirilir ki, silahlı müxalifət qruplaşmaları yaşayış məskənlərini bombalamaqla kobud pozuntu hallarına yol verib. Bu da 291-i uşaq, 242-si qadın, 1-i isə jurnalist olmaqla 1183 mülki şəxsin ölümü ilə nəticələnib. Hesabata görə, sentyabrdan indiyədək “İŞİD”in Suriyadakı mövqelərinə hava zərbələri endirən beynəlxalq koalisiya qüvvələri 8-i uşaq, 6-sı qadın olmaqla 40 mülki şəxsin qətlinə səbəb olub.

BMT-nin statistikasına görə, ümumilikdə Suriyada gedən döyüşlərdə təqribən 200 min, müxalifətin statistikasına görə isə 300 mindən artıq şəxs qətlə yetirilib. Eyni zamanda 10 milyon nəfər qaçqın və məcburi köçkünə çevrilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi