Yuxarı
    Bağlamaq

    ​Kaliforniyada ofisiant tapdığı 32 min dolları sahibinə qaytarıb - VİDEO

    Qeyd olunur ki, bu məbləğ ofisiantın hardasa illik məvacibinə bərabərdir

    Bakı. 19 dekabr. REPORT.AZ/ ABŞ-ın Kaliforniya ştatının Fresno şəhərində fəaliyyət göstərən "Applebee's" kafesinin ofisiantı müştərilərin masada unutduqları 32 min dolları polisə təhvil verib.

    "Report" xəbər verir ki, bu barədə "Fresno Bee" nəşri yazır.

    Erika Qonzales və anası Berta sözügedən məbləği banka qoymaq istəyiblər, lakin orada seyf olmayıb, bu səbəbdən onlar bankı tərk ediblər. Onlar nahar etmək üçün pul çantası ilə restorana gəliblər, axşam saatlarında isə pulları itirdiklərini anlayıblar.

    Ailə bu barədə polisə məlumat verib, tezliklə hüquq-mühafizə orqanlarına "Applebee's"dən zəng daxil olub. Ofisiant pulu tapdığını deyərək onları polisə təhvil verib.

    Restoran əməkdaşının adının açıqlanmasını istəmədiyi və mükafatdan imtina etdiyi bildirilir.

    Qeyd olunur ki, bu məbləğ ofisiantın illik məvacibi ilə müqayisə oluna bilər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi