Trampın inauqurasiya mərasimini televiziya ilə 24 milyondan çox nəfər izləyib

ABŞ prezidenti Donald Trampın inauqurasiya mərasimini televiziya vasitəsilə 24 milyondan çox nəfər izləyib.

“Report” xəbər verir ki, bu barədə “Nielsen” analitik şirkəti məlumat yayıb.

Onun hesablamalarına görə, yerli vaxtla saat 10:30-dan (Bakı vaxtı ilə 19:30) 19:00-a qədər (21 yanvar Bakı vaxtı ilə 04:00) Trampın dövlət başçısı kimi andiçmə mərasiminin yayımını orta hesabla 24,6 milyon insan izləyib. Tədbir 15 televiziya şirkəti tərəfindən canlı yayımlanıb.

Qeyd olunub ki, dörd il əvvəl Trampın sələfi Co Baydenin andiçmə mərasimini 33,8 milyon tamaşaçı izləyib. 2017-ci ildə Trampın vəzifəyə başlamasını isə təxminən 31 milyon insan izləyib.