“Rockstar” GTA 6-nın çıxacağı tarixi açıqlayıb

ABŞ-nin “Rockstar” videooyun şirkəti yutubda “Grand Theft Auto” (GTA) oyun seriyasının altıncı nəslinin treylerini dərc edib.

“Report” xəbər verir ki, bu barədə “Rockstar” məlumat yayıb.

Bildirilib ki, oyun 2025-ci ildə buraxılacaq. Videoda eyni zamanda oyunun Florida ştatının Mayami şəhərinə bənzəyən şəhəri və iki əsas personaj göstərilir.

GTA seriyasının beşinci hissəsi 10 il əvvəl buraxılıb və dünyada ən çox satılan ikinci video oyunudur (185 milyon nüsxədən çox).