Avropada gender baxımından neytral kartlar hazırlanıb

Niderlandda məhkəmə psixologiyası fakültəsinin məzunu İndi Mellink gender baxımından neytral oyun kartları hazırlayıb.

“Report” “Reuters”ə istinadən xəbər verir ki, həmin kartlarda valet, dama və kral yoxdur.

İ.Mellinkin sözlərinə görə, əski oyun konsepti bərabərsizliyə yol açır.

“Kralın kraliçadan üstün olduğu iyerarxiyanız varsa, bu bərabərsizlik gündəlik həyata da təsir edir, çünki bu, “Hey, sən elə də vacib deyilsən” deməyin bir başqa yoludur”, - o izah edib.

Bir neçə ay ərzində İ.Mellink bu cür kartlardan 1 500 dəst sata bilib. Dəstləri Belçika, Almaniya, Fransa və ABŞ-dan sifariş ediblər.