Arxeoloqlar: "İordaniyada asteroid qədim şəhəri məhv edib"

Beynəlxalq alimlərdən ibarət arxeoloji qrup İordaniyada aparılan qazıntılardan sonra meteoritin qədim Tell-əl-Hamm şəhərini məhv etdiyini təsdiqləyib.

“Report” xarici KİV-ə istinadən xəbər verir ki, bu, 3 600 il əvvəl olub. Meteoritin düşməsi zamanı yaranan partlayış havanın temperaturunun 2 min dərəcəyə yüksəlməsi, onlarla kilometr radiusda canlının məhv olması ilə nəticələnib.

Alimlər yanmış tikili, qab-qacaq və süxurların qalıqlarından ibarət olan qarışıq torpaq qatının qazılması zamanı yalnız güclü zərbə ilə əmələ gələn süni almaz dənəciklərini aşkarlayıblar. Bu, meteoritin şəhərin üzərində partladığını təsdiqləyib.