Bakı. 15 yanvar. REPORT.AZ/ Almaniya kansleri Angela Merkel səhvən antisemitizmin Almaniya vətəndaşlarının vətəndaşlıq borcu olduğunu bildirib.
"Report" xəbər verir ki, bu barədə "Rheinische post" nəşri məlumat yayıb.
Merkel Bundestaqda çıxışı zamanı bu səhvə yol verib.
"Antisemitizm bizim hökumət və vətəndaş borcumuzdur. Bu, məscidə hücuma da aiddir", - deyə o qeyd edib.
Nəşr səhvin Merkelin bütün bəyanatının mənasını dəyişdiyini yazıb.
"Almaniyada yəhudi və müsəlmanlara nifrətə yer olmamalıdır. Məscidə istənilən hücum da qəbuledilməzdir", - deyə düzəliş edilən rəsmi bəyanatda bildirilir.