"British Airways"in pilotu təyyarəyə pəncərədən minib - VİDEO

Bakı. 16 yanvar. REPORT.AZ/ Londonun Hitrou hava limanında "British Airways" aviaşirkətinin pilotu təyyarənin kabinəsinə pəncərədən daxil olub və ehtimal ki, açarı evdə unudub.

“Report” RİA "Novosti"yə istinadən xəbər verir ki, "The Sun" nəşrinin məlumatına görə, videokadrları sosial şəbəkəyə Conni adlı pilot yerləşdirib və altından yazıb:

"İşə gecikəndə açarları evdə unutduğun an...".

Sosial şəbəkə istifadəçiləri pilotun hərəkətindən təəccübləniblər. Onlardan biri yazıb ki, kommersiya tipli təyyarələrdə qapılar açarla bağlanmır.

Nəşr aviasiya saytına istinadən yazır ki, açar yalnız kiçik təyyarələrdə istifadə olunur.