Bakı. 11 may. REPORT.AZ/ ABŞ-ın ən qocaman sakini Delfin Qibson 114 yaşında vəfat edib.
"Report" xarici mətbuata istinadən xəbər verir ki, bu barədə Pensilvaniya ştatının qubernatoru Tom Volf bildirib.
Uzunömürlü qadın 2004-cü ildən Pensilvaniyanın Hantinqdon şəhərindəki qocalar evində yaşayırdı. Qubernatorun sözlərinə görə, qadın ömrünün 90 ildən çoxunu Pensilvaniyada keçirib.
1903-cü ilin 17 avqustunda dünyaya gələn Qibson Adeli Danlapın 2017-ci ildə vəfat etməsindən sonra Amerikanın ən qocaman sakini sayılırdı. Hazırda ölkənin ən uzunömürlü sakini 113 yaşlı Lessi Braun hesab edilir.