Yuxarı
    Bağlamaq

    Vergilər Nazirliyində vəzifə bölgüsü aparılıb

    Nazirin müşaviri Habil Məmmədovun səlahiyyətləri artırılıb

    Bakı. 7 noyabr. REPORT.AZ/ Baş vergi xidməti müşaviri Raqif Qurban oğlu Qurbanov Vergilər Nazirliyi yanında Bakı Vergilər Departamentinin rəisi səlahiyyətlərinin müvəqqəti icraçısı təyin edilib. “Report” xəbər verir ki, o bu vəzifədə vergilər nazirinin müşaviri təyin edilmiş Natiq Şirinovu əvəz edib.

    Məlumata görə, keçmiş müşavir İlqar İsmayıl oğlu Əhmədov isə Vergilər Nazirliyi yanında Vergi cinayətlərinin ibtidai araşdırılması Departamentinin rəisi təyin edilib. Bununla da ədliyyə müşaviri Vüqar İsmət oğlu İsmayılov vəzifədən azad edilib.

    Bundan əlavə, nazir müşaviri Habil Amil oğlu Məmmədovun səlahiyyətləri artırılıb və o, həm də Vergilər Nazirliyi yanında 1 saylı Vergilər Departamentinin rəisi səlahiyyətlərinin müvəqqəti icraçısı təyin edilib. Həmçinin, H.Məmmədova Vergilər Nazirliyi yanında Bakı Vergilər Departamentinin kuratorluğu da tapşırılıb. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi