Yuxarı
    Bağlamaq

    Türkiyədə dolların məzənnəsi yeni tarixi rekorda çatıb

    Dolların məzənnəsi qısa zamanda 3,75 TRY/USD səviyyəsinə çata bilər

    Bakı. 5 yanvar. REPORT.AZ/ Türkiyədə ABŞ dollarının məzənnəsi bu dəqiqələrdə tarixi rekord səviyyə - 3,64 TRY/USD-yə yüksəlib. 

    "Report"un "Bloomberg" agentliyinə istinadən verdiyi xəbərə görə, dolların məzənnəsində gündəlik artım 2%-ə yaxınlaşıb. 

    Səhər saatlarında 3,56 TRY/USD-yə qədər geriləyən məzənnə, daha sonra dolların qlobal valyuta bazarında bir qədər möhkəmlənməsi və FES-in uçot dərəcəsini artırmağa davam edəcəyi xəbərləri ilə yüksəlməyə başlayıb. 

    "Report"un analitik qrupu Türkiyədə dolların məzənnəsinin yaxın zamanlarda 3,75 TRY/USD, il ərzində isə 4,05 TRY/USD-yə çatacağını ehtimal edir. Qeyd edək ki, dolların lirə ilə müqayisədə möhkəmlənməsinin digər bir səbəbi də Türkiyə Mərkəzi Bankının uçot dərəcəsini artırmaq niyyətində olmadığını bildirməsi amili ilə bağlıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi