Yuxarı
    Bağlamaq

    Türkiyə rublda istiqraz buraxmaq niyyətindədir

    Türkiyə dövlət borc öhdəlikləri ilə bağlı qiymətli kağızlar buraxarkən Yaponiya və Yaxın Şərqin maliyyə bazarlarına da çıxa bilər© Freedman.Club

    Bakı. 3 yanvar. REPORT.AZ/ Türkiyə höküməti dövlət borc öhdəlikləri üzrə müxtəlif pul vahidləri, o cümlədən Rusiya rublunda qiymətli kağızlar buraxmaq niyyətindədir.

    "Report" xəbər verir ki, bu barədə RİA "Novosti" məlumat yayıb.

    "Biz dövlət borc öhdəlikləri üzrə ciddi şaxələndirməyə daxil oluruq, yeni ölkələrə böyük həcmdə vəsait yönəldirik. İlk dəfə olaraq biz "Yol şousu"nu Rusiyada həyata keçirdik, Rusiya rublunda olan istiqraz bazarını təhlil etdik və ilkin reaksiyalar müsbət oldu. 2018-ci ildə biz çalışacağıq ki, bondlarımızı (istiqrazlar – Red.) rublda satmağa cəhd edək. Bununla yanaşı biz "panda-bondlar" (Çin yuanında satışa çıxarılan – Red.) bazara çıxış əldə etmək qərarına gəldik. Biz maliyyə münasibətlərimizi Türkiyədə fəaliyyətə başlayan Çinin ICBC bankı vasitəsisə inkişaf etdirəcəyik", - deyə, baş nazirin müavini Mehmet Şimşek deyib.

    O əlavə edib ki, Türkiyə dövlət borc öhdəlikləri ilə bağlı qiymətli kağızlar buraxarkən Yaponiya və Yaxın Şərqin maliyyə bazarlarına da çıxa bilər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi