Yuxarı
    Bağlamaq

    "​Standard & Poor's" agentliyi "PAŞA Bank"ın reytinqini təsdiqləyib

    Bu, Azərbaycanın özəl bankları arasında ikinci üstün reytinqdir

    Bakı. 9 dekabr. REPORT.AZ/ "Standard & Poor's" beynəlxalq reytinq agentliyi Azərbaycanın aparıcı bank təşkilatlarından olan "PAŞA Bank" ASC-nin uzunmüddətli kredit reytinqini "BB", qısamüddətli reytinqini "B" səviyyəsində, reytinqlər üzrə proqnozu isə "stabil" səviyyəsində yenidən təsdiq edib. "PAŞA Bank"ın baş ofisindən "Report"a bildirilib ki, bu, Azərbaycanın 100% yerli kapitala malik olan özəl bankları arasında ən yüksək, ümumiyyətlə ölkənin özəl bankları arasında ikinci üstün reytinqdir.

    Qeyd edək ki, reytinq agentliyi "PAŞA Bank"ın reytinqini ilk öncə 2012-ci ilin sentyabr ayında müəyyənləşdirib və 2013-cü ilin dekabr ayında yenidən təsdiqləyib.

    Xatırladaq ki, "PAŞA Bank" ASC 2007-ci ildə təsis olunub. Bank geniş spektrli korporativ bank xidmətləri göstərir, eləcə də kreditlərin verilməsi, qiymətli kağızlar bazarında əməliyyatlar, aktivlərin idarə olunması və xəzinədarlıq xidmətləri göstərir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi