Yuxarı
    Bağlamaq

    ​Azərbaycanda adambaşına sığorta haqqı 50 manata çatdırılacaq

    Ölkədə adambaşına sığorta haqlarının 20,48% artımı proqnozlaşdırılır

    Bakı. 24 yanvar. REPORT.AZ /2015-ci ilin sonuna Azərbaycanda adambaşına sığorta haqqının 50 manata çatdırılması gözlənilir.

    "Report"un verdiyi xəbərə görə, bu barədə Maliyyə Nazirliyi Dövlət Sığorta Nəzarəti Xidmətinin (DSNX) şöbə rəisi Mahir Abdullayev məlumat verib. O bildirib ki, hazırda bu göstərici 41,50 manat təşkil edir. Bununla da ölkədə adambaşına sığorta haqlarının 20,48% artımı proqnozlaşdırılır. 

    Azərbaycan Sığortaçılar Assosiasiyasının (ASA) məlumatına görə, 2014-сü ildə Azərbaycandakı 28 sığorta şirkətinin xətti ilə 2013-cü illə müqayisədə 23,5 milyon manat və ya 5,8% çox, təxminən 429,2 milyon manat sığorta haqqı toplanılıb.

    Ötən il sığorta şirkətlərinin həyata keçirdiyi ödənişlərin məbləği isə təxminən 157,1 milyon manat təşkil edib. Bu isə 2013-cü ilə nisbətən 34,3 milyon manat və ya 28% çoxdur.

    Hesabat dövründə sığorta bazarında toplanmış hər 100 manat sığorta haqqı müqabilində 36,6 manat ödəniş edilib. Bu göstərici 2013-cü ildə 30,3 manat olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi