Yuxarı
    Bağlamaq

    "Moody's" Rusiyanın kredit reytinqi üzrə proqnozunu artırıb

    Əsas 3 beynəlxalq reytinq agentliyinin proqnozu stabildir

    Bakı. 20 fevral. REPORT.AZ/ "Moody's" beynəlxalq reytinq agentliyi Rusiyanın dövlət istiqrazlarının reytinqini "Ba1" səviyyəsində təsdiqləyib, proqnozu isə "neqativ"dən "stabil"ə yüksəldib.

    "Report" xəbər verir ki, Agentlik öz qərarını Rusiyanın 3 illik büdcə konsolidasiyası strategiyası tərtib etməsi ilə izah edərək bildirib ki, hökumətin bu addımı büdcənin neft-qaz gəlirlərindən asılılığını əhəmiyyətli dərəcədə azaldacaq. Nəticədə, Rusiya əlavə neft-qaz gəlirlərindən beynəlxalq ehtiyatların artırılması üçün istifadə edəcək. "Moody's" Rusiya iqtisadiyyatının 2 illik durğunluqdan sonra bərpa olunduğunu qeyd edir. O, Rusiyanın ÜDM-in artım potensialını 1,5-2% diapazonunda qiymətləndirib.

    Xatırladaq ki, "S&P" beynəlxalq reytinq agentliyi isə ötən ilin sentyabr ayında Rusiyanın kredit reytinqi üzrə proqnozunu "stabil"ə yüksəldib. Agentliklərdən yalnız "Fitch" Rusiyaya investisiya oluna bilən ölkə səviyyəsində reytinq verib və proqnozu ötən ilin oktyabrında "stabil"ə yüksəldib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi