Yuxarı
    Bağlamaq

    "Moody's": Manata təzyiqlər artıb

    Azərbaycanın suveren reytinqi Ba1, proqnoz neqativdir

    Bakı. 3 sentyabr. REPORT.AZ/ "Moody's" beynəlxalq reytinq agentliyi Azərbaycanda ABŞ dolları qıtlığının yarandığını bildirib. "Report" agentliyi "Moody's"ə istinadən xəbər verir ki, dollar qıtlığının artması milli valyuta - manata təzyiqləri yenidən artırıb. Agentlik, belə bir iqtisadi konyunkturanın davam etməsi halında Azərbaycanın suveren reytinqinə mənfi təsirlərin əmələ gələ biləcəyini vurğulayıb.

    Qeyd edək ki, sonuncu dəfə "Moody's" Azərbaycanın suveren reytinqini 2016-cı il fevralın 5-də "Baa3" səviyyəsindən "Ba1"-ə endirib, proqnozu isə "neqativ" olaraq müəyyənləşdirib. 

    Xatırladaq ki, "Ba1" reytinq səviyyəsi spekulyativ və əhəmiyyətli dərəcədə riskə məruz öhdəliklər kimi açıqlanır. Bu səviyyədən sonra isə "Moody's"in reytinq sıralamasında "B" səviyyəsi gəlir - bu kateqoriya da spekulyativ, lakin daha yüksək səviyyəli riskə məruz qalan öhdəlikləri nəzərdə tutur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi