Yuxarı
    Bağlamaq

    ​Monteneqro Azərbaycan bankına lisenziya verib

    Azmont banka bu ölkədə fəaliyyət göstərən 15-ci bank olacaq

    Bakı. 27 fevral. REPORT.AZ/ Monteneqronun Mərkəzi Bankı "Azmont banka" təşkilatına bank fəaliyyəti göstərmək üçün lisenziya vermək barədə qərar qəbul edib.

    "Report" "BalkanPro" portalına istinadən xəbər verir ki, bu, ölkə ərazisində fəaliyyət göstərəcək 15-ci bank olacaq.

    "Azmont banka" Boka-Kotor buxtası sahillərində yerləşən Kumbor qəsəbəsindəki "Portonovi" tikinti kompleksi layihəsinə xidmət göstərməyə başlayacaq.

    Bankın "Azmont Investments" layihəsinin (Azərbaycan-Monteneqro şirkəti) azərbaycanlı investoru tərəfindən "Azerbaijan Global Investments" (AGI) şirkəti ilə tərəfdaşlıq şəraitində yaradıldığı bildirilir.

    "Portonovi" Monteneqro ərazisində iri layihələrdən biridir. Kompleks "One&Only" oteli, spa-mərkəzi, super-yaxtalar üçün liman, iqamətgah, villa və evlər, mağaza və restoranlardan ibarət olacaq. Mehmanxananın 2018-ci ilin yayında istifadəyə veriləcəyi gözlənilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi