MIGA-nın vitse-prezidenti Bakıya gəlir - EKSKLÜZİV

Bakı. 15 dekabr. REPORT.AZ/ Dünya Bankı Qrupuna daxil olan Çoxtərəfli İnvestisiya Təminatı Agentliyinin (Multilateral Investment Guarantee Agency - MIGA) icraçı vitse-prezidenti və baş icraçı direktoru xanım Keyko Honda (Keiko Honda) dekabrın 18-də Azərbaycana səfər edəcək.

"Report"un əldə etdiyi məlumata görə, bir gün davam edəcək səfər çərçivəsində K.Honda Prezident İlham Əliyev, maliyyə naziri Samir Şərifov və hökumətin iqtisadi blokuna daxil olan digər rəsmilərlə görüşəcək. 

Xatırladaq ki, 2016-cı ilin dekabrında MIGA-nın Direktolar Şurası Trans-Anadolu Boru Kəməri (TANAP) layihəsinə ayrılan investisiyalar üzrə 1,2 mlrd. ABŞ dolları dəyərində zəmanət verilməsini təsdiq edib.