Yuxarı

“MCB” BOKT lisenziya almaq üçün MBNP-yə müraciət edib

​“MCB” BOKT lisenziya almaq üçün MBNP-yə müraciət edib

2009-cu ildən fəaliyyət göstərən “MCB Lizinq” QSC-nin bazasında yaradılmış “MCB” bank olmayan kredit təşkilatı (BOKT) lisenziya almaq üçün Maliyyə Bazarlarına Nəzarət Palatasına (MBNP) müraciət edib.

Bu barədə “Report”a maliyyə qurumunun lizinq əməliyyatları departamentinin rəhbəri Rövşən Hacıyev məlumat verib.

“Ötən gün BOKT lisenziyası almaq üçün lazımi sənədləri Palataya təqdim etdik. Hazırda cavab gözləyirik”, - o qeyd edib.

Xatırladaq ki, Vergilər Nazirliyi yeni kredit təşkilatını bu il aprelin 4-də dövlət qeydiyyatına alıb. Onun hüquqi ünvanı (Bakı şəhəri, Yasamal rayonu, Tbilisi prospekti, məhəllə 1 054, ev 49B), nizamnamə kapitalı (4 283 675 manat) və qanuni təmsilçisi (Rəmal Cəfər oğlu Cəfərov) “MCB Lizinq”lə eynidir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi